Ձմերուկի կորիզների օգտակարությունը. tert.am

Մեզանից շատերը ձմերուկի ուտելիս հանում են կորիզները, սակայն դրանք ևս օգտակար են օրգանիզմի համար: Ինչպես ներկայացնում է healthyfoodteam.com-ը` դրանք նպաստում են մարսողությանը, չնայած աղեստամոքսային տրակտից դուրս են գալիս չմարսված:

Ձմերուկի կորիզների օգտակար հատկություններն ակտիվանում են՝ կորիզը ջարդելու և պարունակությունը ուտելու կամ դրանք եռացնելու դեպքում: Կորիզներում առկա մանրաթելերը կենսական են մարսողական համակարգի գործառույթների համար: Դրանք օգտակար են աղիքային մակաբույծների դեմ, խորհուրդ են տրվում անգամ դեղնախտով հիվանդ կամ բորբոքական խնդիրներ ունեցող հիվանդներին:

Կորիզներում առկա ցիտրուլինը գործում է որպես հակաօքսիդանտ, որն օգնում է լայնացնել արյունատար անոթները, կանխել  զարկերակների կարծրացումը, օգտակար է արյան բարձր ճնշման և կրծքահեղձուկի  ժամանակ: 20-րդ դարի ամերիկացի գիտնականների ուսումնասիրությունների համաձայն` ձմերուկի կորիզները շատ օգտակար են երիկամների և միզուղիների համար: Նրանք խորհուրդ են տալիս թեյ պատրաստել թարմ կորիզներից, որը միզամուղ միջոց է և օգտակար է երիկամների քարերն ու ավազները մաքրելու համար:

Ձմերուկի կորիզները հարուստ են մագնեզիումով, A, B, C վիտամիններով, երկաթով, հակաօքսիդանտներով, մանգանով, կալցիումով, պոլի- մոնո- հագեցած ճարպերով:

Թեյի պատրաստման համար պետք է վերցնել 4 թեյի գդալ թարմ, փշրված կորիզ, եռացնել այն 2 լիտր ջրում՝ 15 րոպե: Ստացված թեյն ըմպել երկու օրում  և դադար առնել երրորդ օրը: Գործողությունը կարելի է կրկնել մի քանի շաբաթ:

Հարցեր, պատասխաններ, մեկնաբանություններ